ඔබ, "රෝමියෝ මොන්ටේග්"

නුඹ වෙරෝනාව මවන විට
හෙමිහිට
හිත
මතකය නොදුටුව ඔහු

"රෝමියෝ මොන්ටේග්"

නම් වේය.

මා සිහින මවන
අපූරුම රුවෙහි
ප්‍රතිමූර්තිය,
කවිකම් ලියලා කොළයක
ගලපන්න
තුඩු දෙන;

සොඳුරු නොවෙද
ප්‍රේමය,
කොතරම්
පියඹා ගියත්
ෆීනික්ස් කිරිල්ලිය
දුර ඈතට,
මිනිස් ශිෂ්ඨාචාර ගණනක්
ඈතට,

කවි අවියක්ව නැගෙන දිනයක
එක් සොඳුරු පෙම් කථාවක
නිහඬ ඉකි බිඳින
කඳුලක්
සැඟව ඇත ඒ පුරාවත

මම සඳලුතලාව මත
ඔහු
මට අත වනමින්
කොහේදෝ දුර ඈතක,

ඔහු හිරු කිරණ
මම
ඒ නුදුටු
පිනිබින්දු,

නැගෙන ළසෝ ගී
දෙනෙත් බොඳ කරන
එක් ජවනිකාවක
අවසන
හෙළමි මම සුසුමක්
මතක් වූ නිසා

ඔබ,

"රෝමියෝ මොන්ටේග්"

තවත් එක් පෙම් කතාවක් පුරාවට!!!